An Dioplóma Iarchéime
Aidhm
Is é an aidhm atá leis an gcúrsa, traenáil shubstaintiúil, idir theoiriciúil agus phraiticiúil, a chur ar fáil do mhúinteoirí atá ag obair le daltaí a mbíonn riachtanais speisialta oideachais acu agus do mhúinteoirí atá ag obair le daltaí a mbíonn tacaíocht foghlama de dhíth orthu. Tá An Roinn Oideachais agus Eolaíochta tar éis ábhar an chúrsa a aontú, mar aon leis an gcur chuige atá in úsáid.
Torthaí Foghlama
Agus an Dioplóma Iarchéime i dTacaíocht Foghlama agus Riachtanais Speisialta Oideachais bainte amach ag na rannpháirtithe:
- Beidh siad tar éis cur lena gcuid eolais agus lena gcuid tuisceana ar an dtacaíocht foghlama agus ar riachtanais speisialta oideachais
- Beidh léirithe acu go bhfuil cur amach acu ar an litríocht reatha agus ar fhorbairtí reatha sa réimse sin
- Beidh tuiscint feasacht bhreise acu ar na riachtanais tacaíochta foghlama agus ar na riachtanais speisialta oideachais a bhíonn ag daltaí, agus ar na socruithe is gá a dhéanamh chun freastal fiúntach a dhéanamh ar dhaltaí a mbíonn riachtanais dá leithéid acu
- Beidh níos mó muiníne acu as a gcumas gníomhú i ról múinteora tacaíochta ina gcuid scoileanna, agus as a gcumas comhoibriú le comhghleacaithe agus le proifisiúnaigh éagsúla
- Beidh siad tar éis a léiriú go n-aithníonn siad go gcaithfidh siad a bheith ina n abhcóidí sa scoil ar son daltaí a bhfuil riachtanais tacaíochta foghlama nó riachtanais speisialta oideachais acu
- Beidh inniúlacht léirithe acu
- maidir le measúnú agus próifíliú a dhéanamh ar dhaltaí a bhfuil riachtanais tacaíochta foghlama agus riachtanais speisialta oideachais acu
- maidir le pleananna foghlama a fhorbairt d’indibhidí agus do ghrúpaí
- maidir le feidhmiú pleananna sa seomra ranga
- maidir le curaclaim uileghabhálacha a fhorbairt agus a fheidhmiú in éineacht le cláir oideachais indibhidiúla
- Beidh tuiscint níos fearr faighte acu ar ionad na teicneolaíochta cúnta méadaithí in oiliúint daltaí a mbíonn riachtanais speisialta oideachais acu
- Beidh cumas forbartha iontu chun luachail chriticiúil a dhéanamh ar a gcuid oibre trí bhíthin taithí machnaimh
Ábhar an Chúrsa
- Síceolaíocht na Forbartha
- Oideachas Luath-Óige (do Mhúinteoirí Bunscoile)
- Daltaí a mbíonn Riachtanais Oideachais Speisialta/RiachtanaisTacaíochta Foghlama acu: Le cur san áireamh maidir leis an bhFoghlaim agus an Múinteoireacht
- Measúnú Foirmiúil agus Neamhfhoirmiúil
- Próifíolú agus Pleanáil Cláir
- Pleananna Oideachais Indibhidiúla
- Ag múineadh Daltaí a mbíonn Deacrachtaí acu sna Réimsí seo a leanas:
- Teanga agus cumarsáid
- Litearthacht
- Uimhearthacht & scileanna matamaiticiúla
- Comhordú Luaileach
- Forbairt phearsanta agus shóisialta
- An Curaclam:
- Bunscoile
- An Ciogal Iarbhunscoile Sóisearach
- An Ciogal Iarbhunscoile Sinsearach
- Ábhar agus Acmhainní
- Teicneolaíocht Chúnta agus Mhéadaitheach/TFC a Úsáid
- Scoileanna Uileghabhálacha a Chruthú
- Riarachán agus Coinneáil na dTaifead
- Forbairt Phroifisiúnta:
- An Dearcadh ar an Míchumas
- Ag obair i gcomhpháirtíocht
- Forbairt phroifisiúnta leanúnach
- Éisteacht éifeachtach agus cumarsáid
- Saincheisteanna Comhaimseartha
Riachtanais an Chúrsa
Chun an cúrsa a chur i gcrích go sásúil caithfidh na rannpháirtithe na riachtanais seo a leanas a shásamh:
- Freastal iomlán a dhéanamh ar na léachtaí agus ar na ceardlanna uile, an tseachtain socrúcháin agus léitheoireachta san áireamh
- Líon áirithe tascanna a chur i gcrích de réir caighdeáin shásúil
- Tabharfaidh teagascóir ceithre chuairt ar a laghad ar gach rannpháirtí sa chúrsa i gcaitheamh na bliana. Beifear ag súil ar na cuairteanna sin go léireoidh na rannpháirtithe go bhfuil siad in ann leas praiticiúil a bhain as an teoiric agus as an gcleachtas a clúdaíodh sna léachtaí agus sna seimineáir, maidir le measúnú agus próifíliú go háirithe, agus maidir le pleananna foghlama a fhorbairt agus a fheidhmiú.
Fad agus Eagrúchán
Maireann an cúrsa an bhliain acadúil; i gcaitheamh an ama sin ní mór freastal ar ionad an chúrsa, socrúcháin a dhéanamh i dtimpeallachtaí oiriúnacha oideachasúla nó cliniceacha, obair scríofa a chur i gcrích agus a bheith ag múineadh i scoileanna na rannpháirtithe féin. Cuirtear am i leataobh don staidéar pearsanta freisin.
Ar bhonn blocscaoilte a eagraítear an cúrsa. Téann na múinteoirí go dtí léachtaí agus seimineáir in ionad an chúrsa ar feadh trí seachtaine déag. Cuirtear seachtain amháin den tréimhse blocscaoilte i leataobh don léitheoireacht agus don staidéar. Cuirtear na múinteoirí i socrúchán oideachasúil nó cliniceach ar feadh seachtaine.
Iarratais
Moltar d’údaráis scoileanna/ do Choistí Gairmoideachais gan níos mó ná múinteoir amháin as scoil a ainmniú a shásaíonn na riachtanais. Glactar le timpeall seasca múinteoir ar an gcúrsa. Faoi údaráis an Choláiste atá sé rannpháirtithe an chúrsa a roghnú, agus déantar é de réir na gcritéar a bhfuil cur síos orthu i leabhrán faoin gclár (le fáil ón gColáiste ach é a iarraidh).
Incháilitheacht
Daoine atá incheaptha ina múinteoirí bunscoile nó iarbhunscoile atá i dteideal an cúrsa a dhéanamh faoi láthair. A mBord Bainistíochta a chaithfidh iad a ainmniú chun freastal ar an gcúrsa, agus is den riachtanas é go mbeadh an Roinn Oideachais agus Eolaíochta tar éis post tacaíochta foghlama nó acmhainne (nó uaireanta acmhainne) a leithdháileadh ar a scoil.
Caithfear gealltanas a thabhairt, maidir le múinteoirí a roghnaítear don chúrsa, go gcaithfidh siad dhá uair an chloig déag sa tseachtain ar a laghad ag obair le daltaí a bhfuil riachtanais speisialta oideachais acu nó a fhaigheann tacaíocht foghlama faoi láthair.
Cáilíocht
Déanann Coláiste na Tríonóide, Baile Átha Cliath, creidiúnú ar an Dioplóma Iarchéime i dTacaíocht Foghlama & Riachtanais Speisialta Oideachais agus dámhtar é ar rannpháirtithe a n-éirionn leo an clár a chríochnú. An measúnú a dhéantar ar na rannpháirtithe, bunaítear é ar lánfhreastal agus rannpháirtíocht maidir le léachtaí, ceardlanna agus socrúcháin, ar obair scríofa a bheith curtha i gcrích agus ar mhaoirseacht ar a gcuid oibre mar mhúinteoirí tacaíochta foghlama nó acmhainne sna scoileanna. Chun an cháilíocht a bhaint amach caithfidh na rannpháirtithe an cúrsa a chríochnú faoi cheann trí bliana den dáta tosaigh.
Staidéar Breise
Tá céimithe an chúrsa seo i dteideal cur isteach ar chúrsaí breise staidéir a dhéanamh ar leibhéil Mháistir i gcoláistí/ollscoileanna éagsúla. Tá naisc ach go háirithe ag an Dioplóma Iarchéime i dTacaíocht Foghlama & Riachtanais Speisialta Oideachais le:
- Coláiste na Tríonóide, Baile Átha Cliath: an chéim Máistir Staidéar
- Coláiste Phádraig Droim Conrach: an chéim Máistir i Riachtanais Speisialta Oideachais
- An Ollscoil Oscailte: an chéim Máistir in Oideachas
Táillí agus Speansais
Níl aon táillí cúrsa ná clárúcháin ann don chúrsa seo.